Откриени се два многу моќни човечки антитела во лабораторија, кои можат да ги спречат речиси сите познати видови на вирусот ХИВ...

Научниците од Националниот институт за здравство на САД во Мериленд, откриле два многу моќни човечки антитела кои во лабораторија можат да ги спречат речиси сите познати видови на ХИВ. Откритието е пронајдено благодарение на антителата од крвта на луѓето инфицирани со ХИВ, кои биле во можност да ја контролираат болеста.

Веста предизвика возбуда, но научниците предупредуваат дека ова откритие е само уште еден чекор напред во потрагата по лек. Научните докази го отворија патот на вакцината. Во прашање е извонреден сплет на околности - пациент инфициран со вирусот ХИВ, кој не се разболел. Истражувачите во националниот институт за алергија и инфективни болести, ја простудирале неговата крв, за да утврдат зошто и на кој начин тој го контролира вирусот додека останатите подлегнуваат многу брзо.

Само мал процент - помалку од еден процент - на луѓето кои се инфицирани со вирусот ХИВ влегуваат во таа категорија и живеат додатни седум до дванаесет години. Тие можеби го држат клучот за лечење на ХИВ.