На повеќето од нас ни се познати емоционалните и психолошките симптоми на депресијата, но треба да се знае дека депресијата може да предизвика и физички симптоми. Инаку, многу луѓе кои патат од депресија чувствуваат болка или други физички симптоми.
Главоболката се јавува премногу често кај депресивните луѓе. Ако веќе патите од мигрена и болки во грбот, тогаш со депресијата, состојбата ќе се влоши. Доколку чувствувате болки во градите треба веднаш да се јавите на лекар. Тоа може да биде показател за сериозен проблем со срцето. Но болката во градите е често поврзана и со депресијата.
Проблеми со варењето: можете да добиете напади на гадење, дијареја, или опстипација.
Исцрпеност и умор: без оглед на тоа колку долго спиете, се чувствувате исцрпени и изморени. Станувањето од креветот може да ви биде многу тешко.
Проблем со спиењето: луѓето кои страдаат од депресија воопшто не спијат добро, се будат рано или неможат да се наспијат. А може да се случи и спротивното, да спијат повеќе отколку што е нормално.
Како да ги отстраниме физичките симптоми на депресија?
Во некои случаи симптомите може да ги отстраниме со лечење на депресијата со терапија или лекови. Секако, вие мора да го известите на вашиот лекар за тие физички симптоми, и да не се надевате дека тие ќе исчезнат сами од себе, бидејќи е потребен правилен третман. На пример, лекарот може да ви препорача некое средство за смирување доколку патите од несоница, а тие лекови ќе ве опуштат и ќе ви помогнат подобро да спиете.