Цвеклото е еден од најкорисните зеленчуци, богат извор на фолна киселина, што е од суштинско значење за нормален раст на ткивото, велат научниците.

Според експертите цвеклото може да ги замени скоро сите заленчуци. Цвеклото е богат извор на јаглени хидрати, протени и содржи висок процент на минерали и витамини (А, Б6 и С).

Истражувањата исто така покажуваат дека фолната киселина штити од висок крвен притисок, aлцхајмерова болест и деменција.

Аналитичарите забележале бум во побарувачката на цвеклото во Велика Британија. Само во последната година во Британија биле потрошени 18,3 милиони килограми цвекло. Освен поради корисните ефекти кои ги има цвеклото, експертите, зголемената побарувачка ја поврзуваат и со ниската цена на овој зеленчук. Претходните студии пак покажуваат дека црвениот сок од цвеклото содржи хемиски нитрат, кој драстично го намалува крвниот притисок и ризикот од срцеви проблеми.