Нивото на витаминот Д би можело да го покаже индивидуалниот ризик од појавата на неуродегенеративната Паркинсонова болест, покажаа резултатите од финското истражување објавено во "Неуролошки архиви"...

Научниците дошле до резултатите од мерењето на нивото на витаминот Д за време на две години кај 3.000 лушу, чие здравствена состојба била следена повеќе од 30 години, објавија француските медиуми.

Вo текот на студијата, по корекција на одредени фактори на ризик, како на пример физичка активност и индексот на телесна маса, кај учесниците со ниво на витамин Д во крвта помало до 50 nmol / L се регистрирани 67% помала опасност од развој на Паркинсон, отколку кај оние со 25 nmol/l на витамин Д.

Научниците на крајот истакнале дека резултатите од нивното истражување ја потврдиле хипотезата дека хроничниот недостаток на витаминот Д, е фактор на ризикот за појавата на Паркинсоновата болест.

Витаминот Д е специфичен витамин (растворлив во масти) - еден негов мал дел доаѓа од храната (риба, масло, јајца, путер и црн џигер), но главно се синтетизира во човечкото тело преку сончевите зраци, што значи дека минималното изложување на сонцето е неопходно за задоволување на потребите на организмот за витаминот Д.

Сега останува да се испита на механизмот на влијание на витаминот Д во Паркинсонова болест и да се одреди нејзината оптимална концентрација во крвта за да се спречи овој вид на болест.