Можеби се протеински "бомби" полни со есенцијални киселини, но...
Можеби се протеински "бомби" полни со есенцијални киселини, но јајцата кои се состојка на различни видови јадења и се омилен утрински оброк, не се толку здрави во поголеми количини. Американските научници од Бостон дошле до заклучок дека едно јајце дневно може да го зголеми ризикот да се добие дијабетес. Во текот на 20 годишно испитување спроведено на 57000 мажи и жени, откриено е дека едно варено јајце дневно го зголемува ризикот од дијабетес за 60% кај мажите и 77%кај жените. Дијабетесот или шеќерната болест го пореметува нивото на шеќер во крвта, жлездите и панкреасот, што се случува кога панкреасот ќе престане целосно или делумно да го произведува хормонот инсулин или произведениот инсулин не се раствора во организмот. Во тој случај ќелиите не добиваат храна потребна за живот. Шеќерната болест во почетокот се лечи со таблети и диета, а подоцна со хормонот инсулин. Болеста е наследна,а веројатноста човекот да добие дијабетес се покачува за 50% ако човекот е со поголема телесна тежина од дозволената.
