Група американски научници од медицинскиот факултет на универзитетот "Harvard" откриле две моќни антитела кој можат да ги блокираат повеќето видови на ХИВ...
Откритието беше потврдено во лабораториски услови, со што се отворени можности за развој на делотворна вакцина против оваа тешка болест, пренеле светските агенции. Се работи за антигените VRCO1 и VRCO2 кои спречувале досега со најголема ефикасност да се заразат човечките клетки со повеќе од 90 проценти од постоечките варијанти на ХИВ вирусите.
Вирусолозите, чиј резултати од истражувањето се објавени во новото издание на американско научничкиот магазин "Наука", откриле две антитела кој организмот природно ги произведува во крвта на серопозитивната личност.
Научниците успеале да ги изолираат овие антитела благодарение на новата молекуларна "алатка", односно еден од протеините од составот на вируси ХИВ кои тие го модифицирале можел да се поврзе со специфичните клетки кои произведуваат антитела на вирусот за неутрализација на вирусот сида.
Овој протеин е "програмиран" така да реагира само на посебни антитела на местата каде вирусот ХИВ се врзува со клетки кои се појавуваат во човечкото тело. По овие откритија, научниците почнале да развиваат состојки за вакцина која би можала да го "научи" човечкиот имунолошки систем да произведува поголеми количини на антитела слични на антигените VRCO1 и VRCO2.
