Депресијата е болест што мора да научиме да ја препознаеме за да се справиме со неа подобро во текот на животот. Тоа може понекогаш да го почувствувате и без да имате реална причина.

Стресните случки како смрт во семејството или финансиските проблеми можат да бидат повод за депресија, а понекогаш луѓето се чувствуваат депресивно без никаква јасна причина. 

Депресијата исто така се манифестира со рамнодушност, апатија, губење на желбата за живот, но во некои случаи и со поголема напнатост, немир и раздразливост. Може да има и пореметувања на телесен план како пореметување на сонот, намалување или зголемување на апетитот, тромост, слабост, исцрпеност, губење концентрација и заборавање. Депресивното расположение го спречува болниот да ги извршува секојдневните животни активности. Лицата заболени од депресија може да чувствуваат преголем страв или вина и можат постојано да мислат на смртта и умирањето вклучувајќи и идеи за самоубиство.