На кој начин да се „натерате“ да пиете по 8 чаши вода дневно...

На човечкото тело му е потребна вода, а дехидрацијата последниве години е една од најчестите појави најмногу кај возрасните лица. Кога телото е жедно, работи забавено, а кожата станува сува и безживотна. Ако сакате да го достигнете нормалниот просек за пиење 8 чаши дневно, направете го ова:

1. Дајте и вкус на водата. На многумина им е со вкус што им здодева, па затоа посегнуваат по слатки сокови што не се здрави. За да ја засакате водата, дајте и малку вкус со неколку листенца од свежа мента или парчиња портокал.

2. Употребете ја моќта на вашиот смартфон. Може да инсталирате голем број на бесплатни апликации направени само за оваа ситуација. Станува збор за нешто што ќе ве предупреди дека е време да пиете вода. Звучи чудно, но апликациите се многу ефикасни.

3. Купете си убава чаша, што ви е мелем за око. Забораваме на потребата за течности во текот на денот, затоа што постојано брзаме по работа, што општо лошо влијае врз нашето тело. Набавете убаво шишенце за вода, кое постојано ќе го имате до себе. Ставете го во чанта и носете го секаде со себе. Кога сте на работа, ставете го на биро за да го имате на видик.

4. Нека водата ви биде предјадење. Ова делува, така стекнувате навика за пиење, ќе ви помага за слабеење и ќе јадете помалку.

5. Внимавајте колку пиете. Проверете колку вода собира чашата и пресметајте колку чаши вода треба да испиете во текот на денот. На пример, ако во чашата собира половина литро вода, целта нека ви биде по 3 чаши во текот на денот.