Научниците веруваат дека го пронашле она, што ја предизвикува постродилната депресија...

Речиси три четвртини од мајките, кои штотуку го родиле првото дете, се жалат од тага, чести промени на расположението, загриженост, напнатост и намален апетит. Една од десет жени продолжува да страда од овие проблеми, а експертите тоа го нарекуваат постродилна депресија.

Според научниците причината за активирањето на овој вид депресија, е остриот пад на нивото на естрогенот што се случува во исто време со одделувањето на ензимот monoamine oxidase A, кој ги блокира "убавите чувства".

Истражувачите стигнале до овој заклучок откако претходните истражувања покажале дека нивото на естроген паѓа од 3 до 4 дена откако една жена роди.

Истражувањето е објавено во списанието "Archives of General Psychiatry".