"Ако вакцината би функционирала на луѓето исто како и на глувците, ракот на дојката ќе биде елиминиран"...

Американските научници во наредните години ќе започнат со тестирање на вакцини против ракот на дојката од кој очекуваат многу. Но додаваат дека ќе поминат години пред вакцината да дојде на пазарот. Научниците кои работат на подобрување на вакцината веруваат дека ракот на дојката може да се спречи. Еднаш кога ќе дојде на пазарот ќе им биде понудено на жените во четириесеттите години, бидејќи процентот од ракот на дојката кај жените на 45 продолжува да расте.

Иако вакцината е уште во фаза на развој, првите резултати покажуваат дека би можело да се работи за револуционерен пронајдок. Всушност вакцината е тестирана на глувци, а резултатите биле одлични, вакцината ја спречила појавата на рак во сите глувци што ја примиле, додека оние кои не ја примиле заболиле од рак.