Луѓето кои не ги мијат забите два пати дневно, се под зголемен ризик од срцеви болести...

Британски научници на речиси 12.000 испитаници од Шкотска дошле до заклучок дека ониле кои лошо ја одржуваат оралната хигиена се со 70% поголем ризик од срцеви болести, од луѓето кои ги мијат забите два пати дневно. Водачот на истражувањето Ричард Ват укажува дека воспалителните процеси во организмот, вклучувајќи ги устата и непцата, се погодни за развој на срцеви заболувања како придонес на запушување на крвните садови. 

Кај луѓето со лоша орална хигиена, поголем е и ризикот од заболување на дијабетис. Тестирањето на крвта кај оние испитаници за кои се покажало дека лошо ја одржуваат оралната хигиена е откриено присуство на два фактори кои сигнализираат воспалителни процеси во телото - Ц реактивен протеин и фибриноген. Британскиот тим сепак нагласува дека пушењето и лошата исхрана се далеку поризични фактори за болестите на срцето отколку запоставената усна шуплина.