Долгите телефонски разговори, кои ги водиме со години, може да го зголемат ризикот од рак, велат научниците.

Истражувањата на Светската здравствена организација (СЗО) за безбедноста на мобилните телефони ќе продолжат, бидејќи според експерти доказите не се доволно убедливи. Потребно е дополнително истражување, кое ќе ги утврди ефектите на мобилните телефони врз нашето здравје.

Целосниот извештај на СЗО ќе биде обезбеден до крајот на неделава, но податоците од истражувањето во последните 10 години покажуваат дека луѓето кои зборуваат на телефон по 30 минути дневно се изложени на ризик од развој на рак на мозокот.

Истражувањето траело 10 години во 13 земји и е најголемото, направено досега.

Помеѓу 2000 и 2004 година, истражувачите испитале скоро 13 000 лица и откриле дека ризикот од глиома, најчести тип на мозочен тумор, е повисок кај луѓето кои разговарале по 30 минути секој ден.

За децата се препорачува да не водат разговори, а во другите земји се повикуваат луѓето да си купат хендс-фрии или да пуштаат пораки, наместо да зборуваат.