Учениците, кои треба да полагаат испити, може само да добијат ако пијат по една чаша вода пред да почнат да пишуваат.

Новите научни истражувања покажуваат дека дехидратацијата влијае на функционирањето на мозокот кај децата и адолесцентите, пишува британскиот таблоид "Daily Telegraph".

Научниците од институтот за психијатрија во Лондон и од Универзитетот Кембриџ открија дека, мозокот на децата кои го поминуваат времето во непроветрени простории, каде што е топло, не дејствува на оптимален начин и одредени зони од него се напрегнуваат дополнително.

Полошо е тоа што, голем дел од децата не разбираат дека се дехидрирани, бидејќи според нив не станува збор за нешто сериозно.

Научниците спроведоа експеримент со група ученици кои облекле водоотпорни костуми ,а потоа требало да решаваат тестови во текот на 90 минути.

Податоците од истражувањето покажуваат дека учениците треба да вложат многу поголеми напори за да одговорат правилно, и покрај тоа што изгубиле само 1,1% од својата тежина поради дехидратацијата.

Во претходните студии, реализирани врз возрасни, е откриено дека кај нив, дехидрацијата го тера мозокот да се собира.

Познати симптоми на дехидрацијата се болките во главата, заморот, па дури и депресија.

Статистичките податоци во Велика Британија покажуваат дека таму луѓето пијат просечно само по 200 мл вода дневно, многу под количествата, препорачани од различни меѓународни здравствени форуми.