Фудбалските навивачи можат да го изложат своето здравје на ризик за време на Светското Првенство ова лето, бидејќи премногу пијат и имаат секс без заштитни средства, пишува британскиот таблоид "Дејли Телеграф".

Еден од десет Британци на возраст меѓу 18 и 34 години претерува со алкохол, додека гледа фудбалски натпревари, во живо или на телевизија и не памти што правел пред тоа, покажува студијата на добротворната организација "Terrence Higgins Trust".

Од организацијата започнаа кампања, насловена како "Scoring Without Getting an Own Goal", со која ги советуваат спортските навивачи да имаат сигурен секс во текот на летото.

"Ако луѓето пијат толку многу, дури да неможат да се сетат што се правеле претходната вечер е повеќе од веројатно дека сигурен секс не е меѓу нивните приоритети", рекол портпаролот на организацијата.

Ова е навистина алармантно, имајки го во предвид Светското Првенство оваа година каде илјадниците луѓе ќе се соберат за да го гледаат турнирот. Така, пиејќи многу, тие се изложуваат себеси на потенцијален ризик од инфицирање со полово преносливи болести. 

Велика Британија е земјата со најлошо сексуално здравје во Западна Европа. Во Јужна Африка 5,2 милиони луѓе живеат со ХИВ, што е највисокиот процент за разлика од секоја друга држава. Затоа животно е важно, спортските навивачи да се грижат за себе и да ги користат ПРЕЗЕРВАТИВИТЕ за време на Мондиалот ова лето, без разлика дали се дома или во странство.