"Смртоносен квартет" кој го скратува животот за 12 години...
Научниците откриле дека пушењето на цигари, пиењето на алкохол, лошата исхрана и слабата телесна активност го скратуваат животот дури за 12 години. Овие четири навики се наречени "смртоносниот квартет". Луѓето кои секојдневно ги практикуваат сите четири лоши навики имаат три пати поголема шанса за умирање од рак или срцев удар, за разлика од оние кои не се склони на било која од овие активности, пишуваат светските медиуми.
Секоja лоша навика, го зголемува ризикот од смрт
Научниците во 1984 година и 1985 година направиле попис на 4886 лица кои тогаш биле на 18 годишна возраст. Ги вовеле и "лошите навики" и тие луѓе ги употребувале во пракса секојдневно. По повеќе од 20 години од пописот, 1080 луѓе кои учествувале во пописот починале. 431 луѓе починале од кардиоваскуларни болести, 318 од рак, и уште 331 од други причини. Се покажало дека процентот на оние кои починале се зголемил со секоја лоша навика која ја имале. Така најмалку починале оние без "смртоносниот квартет".
