Исхрана богата со бел леб и тестенини, може двојно да го зголеми ризикот од срцеви заболувања, пишува британскиот весник "Daily Telegraph".

Исхрана која содржи голема количина бел леб, го зголемува ризикот од проблеми со срцето, покажува новата анкета. Во студијата учествувале повеќе од 47 000 луѓе, на кои научниците го измериле т.н. среден гликемичен индекс (ГИ).

ГИ е показател кој одредува во која мера ќе се зголеми содржината на шеќер во крвта по конзумирањето на одредена храна. Прехранбени производи со висока содржина на ГИ вклучуваат бел леб, ориз, макарони, како и појадок од типот на корнфлекс.

Резултатите покажале дека особено кај жените, прехранбените производи со висок ГИ, го зголемуваат ризикот со 2,24 пати повеќе од развој на срцеви проблеми.

Истражувањата продолжуваат во обид да се утврди зошто тестенините и лебот не влијаат толку нездраво кај мажите.