Жената е ослободена од сите обвиненија за возење во алкохолизирана состојба, затоа што станува збор за редок и необичен случај. Утврдено е дека жената не е виновна, бидејќи таа страда од необичен синдром на само-опивање.
Се работи за пореметување во метаболизмот, односно наместо телото нормално да ја вари храната, таа во желудникот ферментира и се претвара во етанол. Системот за варење на жената е полн со квасец.
Во секој период од денот таа има од еден до четири промили алкохол, а тоа значи дека постојано е мортос пијана. Се уште не е пронајден лек за ова пореметување.
