Ренот е зачинска билка, која ретко може да ја видиме на нашата трпеза...



Има многу причини за да го воведеме во својата исхрана, макар и преку салатата. Што е тоа што го прави толку моќен и неопходен?

Ренот се одгледува насекаде низ светот, се употребува само свеж корен што најчесто се користи како зачин. Коренот на оваа билка има лут вкус, нема мирис, но кога го рендате има многу лута арома и може да ви се насолзат очите.
 
Богат е со витамин Ц, кој во сезоната на настинки и вируси многу ни е потребен. Во 100 грами свеж корен има над 100 милиграми ваков витамин, но тоа не е се. Ренот содржи гликозид, глутамин, глукоза, калиум, кисел сулфат, етерични масла и синигрин, кој му дава специфичен лут мирис и вкус.
 
Ова растение се препорачува за чистење на крвта и исфрлање на камен, а како народен лек се користи во болести против белите дробови, реума, гихт, кивавица и исфрлање на секрет од дишните патишта.