Против сувиот воздух најмногу се бориме во текот на студените месеци кога воздухот во просториите се суши поради греењето...



Сувиот воздух ги влошува респираторните проблеми како што се астма, бронхитис, алергии и воспаление на синусите.

Сувиот воздух го суши дишниот систем, особено слузта во неговиот горен дел, подрачјето на носот и синусите, што е голем проблем, бидејќи таа служи за ловење на вируси и бактерии, кои подоцна предизвикуваат настинка, инфекции и грип.

Сувиот воздух предизвикува испарување на водата од кожата и затоа доаѓа до дехидрирање. Тоа води до иритирање на кожата, што се манифестира со србежи, црвенило и лупење на кожата. Затоа лицата што страдаат од кожни заболувања се многу чувствителни во зимскиот период. Проблемот може да се реши со зголемување на влажноста во својот дом, а тоа може да се направи со помош на разни испарувачи, генератори на пареа, итн.