Кога ќе дојде зимата, многу луѓе страдаат од фарингитис, ларингитис, тонзилитис, гнојна ангина, итн...



До воспаление на грлото доаѓа поради бактериски или вирусни инфекции, а често симптомите се поврзани со другите респираторни проблеми, како што се синуси или бронхитис. Пецкањето, гребањето и чувството на кнедли во грлото и тешкото голтање се само некои од симптомите. Одредена храна може да ви наштети кога ја конзумирате, мислејќи дека е здрава.

Не треба да пиете ништо врело - иако имате чувство дека воспаленото грло се повлекува кога пиете врели напитоци, тоа не е паметно и може дополнително да го зголеми воспалението.



Кисело - киселините се непријатели на вашето грло и може дополнително да ги зголемат симптомите на пецкање, болка и гребење. Избегнувајте салати со оцет, зимница, портокал, лимон, и сите слични јадења.

Солено - гаргарата со морска сол помага кај болките во грлото, но премногу солената храна има спротивен ефект.

Лути пиперки, бибер или феферонки треба да избегнувате.

Сува храна - воспаленото грло е чувствително на надворешни дразби, па цврстата и остра храна што ја голтаме може дополнително да ги влоши симптомите. Избегнувајте чипс, житарици и јаткасти плодови.