Доколку чоколадото е причината од која се откажувате од секоја диета, ќе се развеселите од податокот дека со чоколадо ќе може да ја изгубите тежината...
Чоколадо, колачи и разни бисквити наскоро ќе бидат десерти, кои нема да остават трага во облик на вишок од килограми. Оваа голема вест потекнува од британските научници кои откриле како влакната кои се наоѓаат во некои морски билки, ја спречуваат апсорпцијата на масти.
Уште подобро е тоа што слаткиот вкус останува ист, па ќе можете да уживате во омилените деликатеси и телесната тежина.
Истражувањето сеуште е во рана фаза и ќе потрае се додека не се започне со користењето на алги, но овие резултати се навистина охрабрувачки. Од испитувањето на 60 видови на растителни влакна, како најефективни се покажале влакната добиени од морски алги, кои веќе се употребуваат во прехрамбената индустрија.
Влакната од тие морски алги ја намалуваат апсорпцијата на мастите од храната, а можат да се користат и како додаток во исхраната. Наскоро би можеле да уживаме во храна чии масти едноставно би поминале низ организмот на телото.
