Добрата исхрана е клуч за здравјето, но понекогаш здравите намирници може да предизвикаат многу проблеми за малите деца...

Детскиот организам не може да свари одреден вид на храна, а имунитетот им е слаб за да ги „голтнат“.

1. Мед - на деца до две години не смее да им се дава мед, бидејќи истиот може да содржи токсин Clostridium botulinum, кој предизвикува тровење. Имунитетот на возрасните е способен да се бори против овој токсин, но не и детскиот.

2. Непастеризирано млеко - кравјото млеко содржи млечни протеини, кои децата до година дена не можат да ги сварат и не се препорачува воведување на овие намирници во детската исхрана пред првиот роденден.

3. Риба - рибата е извор за омега 3 масни киселини и протеини, па се препорачува нивна конзумација од рана возраст. Но, некои видови на риба како што е туната, сабјарката и скушата, може да содржат одреден процент на жива, која му штети на нервниот систем на детето.

4. Цитруси - лимонот, лиметата, цитронот и портокалите се здрави плодови што содржат висок процент на витамин Ц. Овие плодови се одликуваат со висок процент на киселост и може да го иритираат нежниот желудник на детето и да предизвикаат кожни алергии.

5. Храна што дува - брокулата и гравот имаат висок процент на растителни влакна, кои го подобруваат варењето, но предизвикуваат многу гасови. Кај возрасните оваа храна предизвикува малку непријатности, но кај малите деца може да предизвика силни болки во пределот на стомакот.