Имаме две вести за вас - една добра и една лоша...



Германски научници потврдиле дека сексот е добар за да закрепнете после срцев удар, затоа што напорот во спалната соба може да се спореди со оној што го правите кога се качувате по скали. Значи, ако се качувате по два спрата без да се задишете, слободно активирајте се сексуално, бидејќи тоа ќе биде добра вежба за вас.

„Лекарите најчесто не зборуваат со своите пациенти за ова прашање, па така луѓето после инфаркт се воздржуваат од секс, плашејќи се тоа да не им предизвика нов напад. Но, нема причина за грижи. Веројатноста дека за време на секс ќе добиете нов срцев удар е исто толкава и кај луѓето што никогаш немале кардиоваскуларни проблеми“, изјавил авторот на истражувањето, Дитрих Ротенбахер.

Истражувањето спроведено со 500 испитаници што преживеале инфаркт покажало дека лековите што редовно мора да се земаат, кај некои мажи имаат негативно влијание врз потенцијата, а кај жените ја намалуваат сексуалната желба. Работата е во тоа што терапијата најчесто влијае врз намалување на крвниот притисок, што на многумина им го отежнува сексот. Со мало трпение, се се може.