Исхраната за време на бременоста и доењето е многу важна и тоа мора да го знае секоја сегашна и идна мајка...



За здравјето на мајката и детето, не е доволно да се конзумираат само таблети со фолна киселина и други минерали и витамини, за кои телото има голема потреба во тој период. Важно е да се исхранувате здраво исто така.



Факт е дека жените имаат зголемен апетит за време на бремената состојба, но и копнеж за одредени намирници. Мислејќи дека не е важно колку ќе се здебели за време на бременоста, тие си дозволуваат себеси не само да јадат повеќе, туку си дозволуваат и голем грев - јадат брза храна.



Затоа бразилското Здружение на педијатри “Rio Grande” објавило вознемирувачка кампања со која ги предупредува идните мајки за ефектит од брза храна и засладените газирани пијалоци на нивното бебе, демонстрирајќи слики каде бебињата цицаат од градите во облик на нездравите оброци - крофни, хамбургери и газиран сок.