Британски експерти за спиење и сонување објавиле ново истражување во кое тврдат дека работното време што започнува пред 09 часот наутро за луѓе до 55 години е измачување...



„Присилувањето на вработените да работат од 09 до 17 часот исцрпува и стресно е, а резултира со недостаток на сон и хронични болести. Ние не можеме да го промениме нашиот 24-часовен биоритам. Не можете да се научите да бидете функционални во одредено време. Вашето тело се хармонизира според Сонцето, а вие ен сте свесни затоа, затоа што за тоа ве известува хипоталамусот, а не видот. Ова се однесува и на затворите и болниците, каде луѓето се будат рано и им ја даваат храната што не ја сакаат. Лишувањето од сон е измачување“, тврди лекарот Пол Кели, кој го водел истражувањето.

Кели истакнува дека општеството мора да го промени почетокот на работното време и во школите, за да се совпадне со природниот биоритам на луѓето. Фирмите што ги приморуваат работниците да станат рано наутро го нарушува нивното здравје. Вашите црни дробови и срцето имаат различни обрасци и вие ги присилувате да ги менуваат. Тоа е глобален проблем. Сите страдаат, а не мораат.

Недостатокот на сон влијае врз памтењето и поттикнува кон користење на алкохол и дрога, поттикнува анксиозност, фрустрации, импулсивно однесување, здебелување, висок крвен притисок, стрес и ментални проблеми. Најранлива категорија се младите. Децата треба да одат на училиште во 11 часот за да бидат наспиени и опуштени. Овозможувањето на учениците да останат подолго во кревет ќе би подобри резултатите на тестовите за 10%. Помладите деца природно се будат порано, што значи дека децата од 10 години би можеле да одат на училиште од 08:30 часот, но за тинејџерите мора да почнува во 10 или 11 часот. Кога ќе бидат наспиени, учениците ќе учат подобро и нема да прават проблеми.