Кејлеб Хауард од САД имал 6 години кога безгрижно се возел со родителите во автомобилот...



Денот кога се возел со автомобилот бил кобен за детенцето, автомобилска несреќа го прекинала неговото детство, а за малку и животот. Коските му биле искршени, а мозокот тешко повреден со милиони уништени клетки. Родителите со голема болка гледале како нивниот син се претвара во билка, од весело станало неподвижно и тажно детенце.



Кејлеб бил на неколку операции за да му бидат вратени коските на место, но требало и мозокот да се врати во нормала. Лекарите отворено им кажале на родителите дека шансите за закрепнување се многу мали. Еден ден им било предложена на родителите терапија со куче. На Кејлеб му бил доделен златен ретривер со името Колонел (на англиски: полковник). После неколку месеци интензивно дружење се почувствувал напредокот - момчето ја вратило контролата над рацете, а кучето му овозможило повторно да ја почувствува радоста. Меѓу првите реченици била оваа: „Мислам дека тој мене многу ме сака“. Лекарите сметаат дека ова е одличен пример колку терапевтските кучиња може да бидат полезни во закрепнувањето на тешко болните.