Најдобри тетоважи се тие што пренесуваат одредена порака...



20-годишната Ребека Бека Мајлс на својата лева нога си направила тетоважа со двојно значење. Пишува „I’m fine“ - „Добро сум“, а но за девојката тетоважата значи „Спаси ме“ - „Save me“. Тетоважата испраќа силна порака за сите што страдаат од депресија. Многу малку блиски луѓе во животот на Бека биле свесни за нејзината состојба пред да го претстави својот проблем на Facebook.



„Драги мамо и тато, знам дека ќе ме тепате поради оваа трајна одлука, но ве молам прво да ме сослушате. Ова е една од најтешките работи за која почувствував потреба да ја споделам со другите, затоа што е многу тешко да се отворам и да ја покажам својата ранливост. Но, ова е тема за која мора да се зборува“, ја започнува Бека својата порака.

Тетоважата ја охрабрува Бека да зборува за својот проблем и да ја подигне свеста за важноста на борбата против оваа болест. Ќе се изненадите од фактот колку луѓе околу вас се бореле со депресија, анксиозност и други ментални пореметувања, вели таа. Луѓето надворешно ви изгледаат во ред, но дефинитивно им е потребна помош. Тие глумат дека се добро, а всушност се кршат одвнатре и никој не знае за тоа, објаснува девојката.