Со цел организмот да функционира нормално, му треба доволно време на спиење...



За време на спиењето нашето тело се регенерира и закрепнува. Малку сон може да доведе до многу здравствени проблеми. Еве што се случува со вашето тело ако спиете по 5 часа или пократко:

Дебелина - лицата што не спијат редовно и кратко се склони кон здебелување. Причината е што мозокот не се одмара доволно и му праќа сигнали на организмот да собере повеќе енергија за нормална работа. Таа енергија е всушност храна, односно чувство на глад кое е присутно постојано кога сме хронично изморени. Докажано е дека ако спиете многу малку, идниот ден ќе внесете 300 калории повеќе во организмот.

Висок крвен притисок - телото се ресетира за време на спиењето и ја враќа изгубената енергија, за што му се потребни 6-8 часа. Лицата што спијат по 5 часа или пократко ги забележуваат тие промени веднаш. Една од нив е зголемениот крвен притисок, кој со текот на времето може да доведат и до срцеви заболувања.

Дијабетес - организмот е машина што редовно се одржува. Ако спиете малку, исцрпениот организмот не може правилно да ја регулира количината на шеќер во крвта и затоа постои опасност од појава на дијабетес тип 2.

Имунитет - треба да се негува организмот за да биде отпорен на вируси и бактерии.

Ментални пореметувања - после малку спиење сме мрзоволни и нерасположени. Сте забележале нели? Таквото темпо на живот може да доведе и до депресија и низа ментални пореметувања.