Витаминскиот сок се прави многу лесно, а во прилог му оди тоа што е здрав во споредба со купениот...



Сами направете си освежителен пијалок, кој ќе ви помогне да го прочистите организмот. Исечете краставица и лимон на парчиња, а ако се домашни одгледани, пожелно е да ги користите заедно со кората. Ставете во тегла 1 лажица рендан ѓумбир и додадете 12 листенца од нане, 2 литри вода и претходно исечканата краставица и лимонот.



Ставете ја теглата во фрижидер нека стои 8 часа, а во меѓувреме промешувајте ги состојките. Овој витамински сок позитивно влијае врз стомакот и општо врз вашето здравје, затоа што го смирува варењето, а освен тоа го ослободува и телото од насобраните токсини.