Ако често решавате крстозбор и гледате квизови надевајќи се дека ќе научите нешто ново, знајте дека секое чоколатце и чипс го уништуваат вашиот обид да бидете попаметни...



Истражувањето спроведено на Универзитетот во Орегон, покажува дека храната богата со масти и шеќери може негативно да влијае врз когнитивната флексибилност и способноста да се прилагодиме на промените.

Истражувањето е спроведено со лабораториски глувци, кои конзумирале храна со различен процент на масти и шеќери, а потоа морале да ги поминат тестовите, со цел да се следат промените во нивните ментални и физички функции.

За четири недели, менталните и физичките способности на глувците што јаделе храна со висок процент на масти и шеќери почнале да опаѓаат, особено кога се променувала една или две варијабли. Најголемиот фактор што влијаел врз намалување на мозочните функции се бактериите во дигестивниот систем.