Знаеме дека кожата мора да се заштити од опасните сончеви зраци и тоа го правиме во стандардни ситуации како што се престој на плажа...



Постојат моменти и ситуации кога забораваме да ставиме крема за сончање, а мора. Знаете ли дека кога одите на одмор на плажа, мора да се намачкате крема дури и за време на патувањето? Експертите предупредуваат дека повеќето луѓе забораваат дека таа е неопходна во таа ситуација.

Сенките во автомобилот ја намалуваат изложеноста на возачите и сопатниците од УВБ зраците, но не ја намалуваат изложеноста на УВА зраците, кои се исто така опасни и го зголемуваат ризикот од заболување на рак на кожата. Предните и задните прозорци на автомобилите обично се изработени од ламинирано или полурефлективно стакло, кое ја апсорбира УВ радијацијата, но прозорците од страните главно не се ламинирани и пропуштаат големи количества на УВА зраци.

Мора да бидете внимателни за време на долгите патувања во летните месеци, ако се возите со отворени прозорци и ако се возите покрај вода.