Речиси не постои човек што не сака лубеница, освен оние што ги мразат семките и затоа се ускратуваат од овој божествен вкус...



Кога е добро изладена, летното овошје - лубеницата е големо и здраво освежување за организмот. Добра е за хидратација на телото и претставува голем извор на витамин А, Ц и минералите калиум и магнезиум. Содржи антиоксиданси и поволно влијае врз целокупното здравје.

Се што ви треба се свежа лубеница, нож и блендер. Срцето на лубеницата исчистете го од семки и исечете го на мали парчиња. Ставете ги парчињата во блендер, додадете шеќер по желба и измиксајте. Ако пијалокот е густ, додадете малку вода или коцки мраз. Во сокот може да додадете и малини и јагоди. Погледнете го видеото за да видите сликовите како се подготвува овој освежителен пијалок.