Делфини и луѓето страдаат од слични заболувања, открија научниците во едно истражување, што може да придонесе за создавање на нова терапија против дијабетес и превенција на рак на матката или одредувањето на евентуалните последици од загадувањето на крајбрежните води врз луѓето.

"Делфините, како и луѓето се цицачи, и нивниот режим на исхрана вклучува риби и морски плодови, кои ги конзумираме и ние", изјави Каролин Сотка од Националната администрација за океани и атмосфера во САД, која е главен координатор на истражувањето.

Делфините постојано се изложени на разни опасности во океанот, како некои многу токсични алги, кои произведуваат киселина или различни загадувачи како PCB (полихлорбифенили), кои се забранети во САД уште од 70-тите години на минатиот век.

Сличностите помеѓу делфини и луѓето ги прават овие морски животни да бидат многу важни еколошки и физиолошки извори, кои може да им помогнат на специјалистите во откривањето на различни опасности за здравјето на човекот, рече Каролин Сотка.

На овој начин, делфини се претвораат во првиот природен модел за истражување на дијабетес кај возрасните луѓе, отварајки го патот кон отворањето на ефикасен третман против оваа болест, што годишно е одговорна за 5% од смртните случаи во светски рамки.