Обожавателите на месо сигурно се ужаснуваат од помислата дека во исхраната нема од нивното омилено јадење...



Не мора да се откажете од месо, туку убаво е да усвоите неколку навики во вашата исхрана, за да го подобрите своето здравје.

1. Дајте му ја главната улога на зеленчукот - тој нека биде на прво место, па потоа планирајте го остатокот од оброкот. На пример, брокула и карфиол или зеленчук печен со бешамел сос. Ова јадење го намалува ризикот од различни болести и ја зголемува вашата енергија.

2. Животинските масти заменете ги со растителни масти и масло - често пати се подготвува храната со свинска маст, но, наместо тоа, подготвувајте ја со маслиново масло. Убаво е маслото од репка, а за висока температура при готвење одлично е маслото од кикирики. Салатата зачинете ја со масло од тиква.

3. Јадете мешункасти плодови за протеини - грав, грашок, леќа и наут. Една порција со било кое од овие плодови ќе се погрижи да внесете доволен број на протеини во телото.

4. Класичните грицки заменете ги со здрави грицки - наместо чипс, јадете морков или стебленце од целер, сусам или масло од кикирики, свежо овошје салата со јаткасти плодови, пијалак со банана и кокосово млеко.

5. Ставете зеленчук во десерти - многу видови на зеленчук имаат природно сладок вкус. Зеленчукот ќе им даде сочност на вашите десерти. Десертите може да бидат торта од морков, пита од тикви, кекси со рендани тиквички, итн.