Наутро не можете ништо да јадете, а напладне не можете да престанете да јадете...



Врз нашата глад влијаат голем број на фактори на телото. Ви го откриваме мислењето мислењето на Кери Ганс, авторка на книгата „The Small Change Diet“, за причината за флуктуација на гладта кај жените.

Сте слушнале ли за фразата „ги јадеш своите чувства“? Ако сте тажни, осамени, гневни или под стрес, ќе јадете повеќе за разлика од ситуацијата кога сте среќни или вљубени. Негативните чувства поттикнуваат глад, што е дополнителна причина за да се обидете да ги отстраните причините за овие емоции.

Вежбањето исто така е причина за зголемен апетит, бидејќи трошите и телото ви бара повеќе. Не е страшно кога си дозволувате малку повеќе, оти секако го трошите.

Промената на времето исто така не поттикнува да јадеме повеќе.

Некоја легенда вели дека жените со менструација може да согорат 500 калории на ден, повеќе отколку кога нема менструален циклус. За жал, станува збор само за легенда. Хормоналните промени во женското тело објективно создаваат зголемена желба за храна.

Како да се борите против апетитот?

Одложете ја одлуката за јадење и напијте се чаша обична вода. Ако ве мачи кркорењето на цревата и после 15 минути, каснете некоја лесна храна.

Збунете го организмот со прошетка, која ќе ве натера да престанете да мислите на јадење.

Донесете свесна одлука за избегнување на храна - физички тргнете се од храната.