Компирот вид на храна, која најчесто ја ставаме на трпезариска маса, но, сепак има лоша репутација во последно време...



Истражувања потврдуваат дека компирот не заслужува лоша репутација, иако има калории и многу скроб. Како и да е, ако го подготвувате на здрав начин, нема причина да се избегнува.

„Не постојат општи правила кога храната е во прашање. Се е индивидуално и зависи како се храните, какви ви се дневните обврски и колку трошите“, вели нутриционистот Љубиша Кнежевиќ.

Дебелите луѓе и оние што страдаат од дијабетес треба да избегнуваат да јадат компир, оти тој е калоричен и содржи скроб, а тие треба да ги намалат јаглените хидрати, мастите и ѓеќерите. Компирот содржи 36% дневно препорачана доза на витамин Ц, 27% дневно препорачана доза на калиум и 14% влакна.

Компирот брзо го подигнува нивото на шеќер и инсулин во крвта, но, ако правилно го комбинирате со останатата храна, високото количество на скроб нема да биде проблем. Најдобар начин за да го јадете е компирот да се вари. Многу важно е да водите сметка и за големината на порцијата. Компирот не треба да биде главно јадење, туку прилог. Најдобро е да се комбинира со рибји специјалитети и салата. Одлично се вклопува со блитва и маслиново масло или зелена салата. Кога го зачинувате, правете го тоа со природни зачини, а притоа избегнувајте сол.

Имаме многу дилеми и дали треба компирот да се лупи?! Сите готвачи препорачуваат лушпата да не се отстранува. Тоа важи само за компирот со органско потекло, односно, тој што не е хемиски третиран. Ако ја отстранувате лушпата, секогаш правете го тоа пред термичка обработка.

Компирот е фантастична храна и не треба да се избегнува.