Намаленото внесување на витамини и слабите физички активности во текот на зимските месеци се само некои од причините за пролетен умор...



Поради пролетниот умор се чувствуваме поспани, малаксани и недостаток на енергија. Ако сте и вие жртва на пролетта, сокот од портокал и ленено масло ќе ви помогнат брзо да ја вратите енергијата.

За долготрајното дејство е заслужен портокалот во комбинација со ленено масло. Тој е богат со витамин Ц, калциум и фолна киселина, а маслото го забавува влегувањето на овошни шеќери од портокалот во крвотокот и така рамномерно се распоредуваат, со што се обезбедува создавање на енергија во траење од неколку часа.

Оваа храна ви помага за спречување на кардиоваскуларни болести и белите дробови, а редовната употреба на ленено масло го намалува крвниот притисок.

Нутриционистите препорачуваат да се користи овој сок како додаток во исхрана, но, без термички да се обработува, бидејќи така ќе се уништат здравите маснотии и маслото. Затоа, додадете го во готови јадења, салати и супи. Сокот од портокал и ленено масло може да се конзумира секој ден, а неговата подготовка е брза и едноставна.

Потребни ви се 3 излупени портокали, 1 лажица ленено масло и 1 дл ладна вода.

Сите состојки ставете ги во блендер и убаво измешајте ги. Ако немате блендер, рачно исцедете го сокот од портокал и во него додадете го маслото и водата, па убаво измешајте го сето тоа.