Со влегувањето во зрелите години, мажот почнува да чувствува промени кои се нарекуваат андропауза...



Според дефиницијата, андропаузата се случува помеѓу 45 - 65 години. Главната причина е почеток на процесот на стареење на организмот и намалено е нивото на машкиот хормон тестостерон.

Овие промени кај мажите се забележани во 19 век за прв пат. Се тврди дека мажите не минуваат низ климакс како жените, но, факт е дека се случуваат одредени промени. Најочигледните промени се на психолошки план.

Во тој период мажите не прифаќаат дека влегуваат во години кога нивниот хормонски статус се менува. Хормонските сигнали, како на пример намалување на сексуалната желба, намалувањето на концентрацијата на работа или побрзото нервирање, го предупредуваат мажот дека треба да се смири и да прифати дека не ја поседува силата како порано.

Во тој период тие сакаат да се докажат и прифаќаат предизвици кои не можат да ги совладаат. Така го загрозуваат организмот, кој не треба да биде многу уморен, туку сосема спротивното. Затоа често доаѓа до несакани здравствени компликации - инфаркт, мозочен удар, висок крвен притисок и шеќерна болест.

Промените на расположението кај мажите не се манифестираат до толкав степен како кај жените. Тие ја потенцираат енергијата која не можат повеќе да ја извлечат од организмот и така себеси се доведуваат до физичка состојба, која води кон болест. Во тој период кај мажите се зголемува апетитот и се намалува метаболизмот, што доведува до здебелување во пределот на половините и стомакот.