Непријатниот мирис од усните шуплини предизвикуваат бројни физички појави и секојдневни навики...



Лошиот здив не ни оди во прилог. Ако сакате да се отарасите од него, придржувајте се кон овие правила.

Пијте вода

Водата е важен дел од нашето тело и нејзината функција започнува од усната шуплина. Водата ги плакне бактериите од устата, кои предизвикуваат лош здив. Но, тоа не се однесува и на газираните пијалоци, бидејќи тие се полни со шеќер и киселини, кои дополнително и даваат непријатен мирис на устата.

Желудник

Непријатниот мирис може да биде предизвикан и од желудечната киселина и тешко сварливата храна - црвеното месо и пржената храна. Во тој случај е добро да јадете јаткасти плодови или јаболка. Тоа ќе го смири желудникот и ќе го спречи непријатниот мирис.

Мијте ја усната шуплина

Хигиената на забите и усната шуплина е многу важна. Мијте ги забите секој ден, особено пред спиење и наутро, после појадок. Не заборавајте да го измиете и јазикот, на кој се насобираат голем број на бактерии.

Редовно на забар

Кариесот и другите оштетувања на забите, се главните виновници за непријатниот здив и затоа треба редовно да ја „сервисирате“ усната шуплина. Прегледот на забите извршувајте го на неколку месеци и спречете ги проблемите навремено.