Според американските научници, конзумацијата на чоколадо може да ја намали веројатноста од мозочен удар...
...но и да ги ублажи последиците кои можат да доведат до смрт, кај пациентите кои мозочниот удар веќе го преживеале, објавил порталот ScienceDaily.com. Резултатите од истражувањето, ќе бидат претставени во април на годишниот состанок на Американската академија за неврологија во Торонто, кој се состои од три студии за односот на чоколадо и мозочен удар.
Водителката на истражувачкиот тим Sarah Sahib од универзитетот McMaster во канадскиот град Hamilton потсетува дека чоколадото, посебно темниот вид со повисок процент на какао е богата со антиоксиданси флавоноиди кои можат да заштитат од мозочен удар. Но таа исто така предупредила дека е неопходно да се потрошат дополнителни истражувања за да се утврди тоа.
Првата од трите студии кај 44.489 луѓе, кои неделно јаделе темно чоколадо, открила дека чоколадото за 22% го намалило ризикот од мозочен удар, отколку кај оние луѓе кои не јаделе чоколадо воопшто.
Во втората студија на 1.169 луѓе кои веќе доживеале мозочен удар, а јаделе 50 грама чоколадо дневно, имале 46% помала можност да умрат од последиците на преживеаниот удар, отколку кај луѓето кои не козумирале чоколадо. Третата студија покажала дека не постои никаква поврзаност помеѓу козумацијата на чоколадо и ризикот од мозочен удар.
