Денешното брзо темпо на животот и стресот, предизвикуваат многу здравствени проблеми...



Иако не можеме да го забавиме времето или сосема да се дистанцираме од секојдневните грижи, можеме да примениме барем неколку едноставни совети, како подобро да го започнеме денот.

1. Насмевка - оној момент кога во шест часот наутро ве буди алармот за работа, развлечете ја устата хоризонтално и насмевнете се, додека се уште не сте рассонети. Длабоко вдишете-издишете, протегнете се и повторно насмевнете се. Оваа ментална гимнастика ќе ви го разубави денот.

2. Чаша млака вода со лимон - лимонот го мотивира желудникот, го прочистува црниот дроб и го забрзува варењето.

3. Туширање - почувствувајте ја водата, концентрирајте се на себе и замислете како да не сте се бањале два месеца. Уживајте во секоја капка и обидете се да го разбистрите својот ум и исчистете го од негативни мисли и стресови.

4. Животот е прекрасен - направете список со работите за кои сте благодарни, помислете на луѓето што ве опкружуваат.

5. Појадок - појадувајте како кралеви и кралици, подгответе го јадењето вечерта и притоа не се брзајте. Уживајте во секој залак кога го вкусувате. Седнете на столица и не гледајте во компјутер или телевизор.