Сигурно и вие забележавте дека девојчињата добиваат порано менструација...



Девојчињата дури на 9 години возраст почнуваат да ги добиваат првите симптоми на пубертет. Еве што е главната причина за тоа. Утврдено е дека од генерација до генерација, девојчињата се порано влегуваат во пубертет.

Честото пиење на газирани пијалоци има лошо влијание врз детското тело, но сега е докажано и оваа лоша навика кај девојчињата се поврзува со раниот почеток на пубертет, сугерира истражување спроведено на Харвард.

Следејќи околу 5.600 девојчиња, постари од 9 - 14 години, научниците пресметале дека испитаниците што пиеле дневно повеќе од 1,5 дози газиран сок, до првата менструација доаѓале во просек за 2,7 месеци порано, отколку кај нивните врснички, кои пиеле до две дози газирани сокови неделно.

„Утврдената врска е независна од индексот на телесна маса на девојчињата“, пишува списанието  “Human Reproduction”.

Инаку, раниот почеток на пубертет кај девојчињата е поврзан со зголемен ризик за депресија во адолсцентниот период и рак на дојка во повозрасните години, предупредуваат научниците.

Последиците од конзумирањето на големи количини шеќер од газирани пијалоци, се зголемување на количеството на инсулин и одредени полови хормони, поврзани со раниот почеток на пубертет.