Иако солзите ги гледаме често како знак на слабост, научниците кои ги проучуваат солзите и плачењето, не се согласуваат со ова...



Плачењето има многу предности, бидејќи тие претставуваат одбрана на телото против хормонот за стрес. Со плачењето ги намалуваме негативните емоции, што е своевидна одбрана од бактерии или реакции на хемикалии. Плачеме кога сецкаме кромид, кога ќе не нападнат емоции, а солзите течат дури и кога мал инсект ќе ни влезе во око.

Солзите не се лоши и не се знак на слабост, а еве и зошто е потребно понекогаш убаво да се исплачеме. Солзите ги чистат очите, односно делуваат како природен антибиотик и може да уништат до 95% од штетните бактерии во очите за само 5 минути.

Солзите го подобруваат видот - мембраната на очите може да дехидрира и поради тоа може да се појават проблеми со видот, а сликата што ја гледаме е замаглена. Кога плачеме солзите ни обезбедуваат влажност на мембраната и на тој начин го подобруваат видот.

Солзите ги елиминираат токсините, односно, Вилијам Феј утврдил дека солзите имаат различни хемиски состав, во зависност од причината на предизвикувањето. Така рефлексните солзи, на пример, оние што настануваат поради сечкање кромид, се состојат од 98% вода, додека емоционалните солзи се полни со хормони на стрес - пролактин.