Градите никогаш немаат подеднаква големина и совршено симетрични гради, освен оние со коригирани естетски операции...



Обликот и големината се одредени од неколку фактори, а тие се: генетика, тежина, возраст, бременост и вежбање.

Генетиката игра најголема улога, гените влијаат врз количеството на хормони кои потоа влијаат врз ткивото во градите одредувајќи ја густината и изгледот на кожата.

Тежината е всушност масно ткиво и не е чудно што градите се зголемуваат ако се здебелиме. Се зависи од густината на вашите гради кога го зголемувате количетвото на масното ткиво или го намалувате. Жените со цврсти гради имаат помалку масно ткиво и помалку ќе се менува обликот на градите при осцилации во тежината на телото.

Со текот на времето градите се растегнуваат и така стануваат повеќе опуштени.

За време на бременост градите растат и по неколку броеви, а ткивото може многу да се прошири и нема да може да се врати целосно во претходната состојба. Освен тоа доењето може да го земе својот „данок“ и да го промени изгледот на дојките. Повторно зависи од густината на ткивото во дојките и промената на тежината. На некои жени им се зголемуваат градите за време на бременоста, додека пак на други им се намалуваат.

Се верува дека со вежбање може да се зацврстат градите, но вистината е дека не можеме да влијаеме врз обликот на градите со вежбање. Градите се наоѓаат на ректоралниот мускул, но не се негов дел. Со вежбањето можете да го зајакнете тој мускул, но големината и обликот на дојките не можеме да ги промениме. Кај некои професионални спортистки градите се намалуваат, затоа што нивните гради имаат помалку телесни маснотии.