Белите заби и холивудската насмевка се сон за секој човек...



Одредена храна, газирани пијалоци, кафе, чај и цигари се главните причини за добивање на жолти заби, но постои и храна од која вашите заби може да блескаат.

Сода бикарбона - на четката ставете си малку паста за заби и потопете ја во сода бикарбона. Полека и детално тријте ги забите барем две минути и измијте со вода. Потоа измијте ги забите само со паста. Оваа постапка правете ја два пати месечно.

Јагода - овошје кое се употребува за нега и избелување на забите. Содржи овошна киселина како природно средство за избелување на забите. Згмечете јагода, нанесете ја на четката и со неа истријте ги забите, а потоа измијте ги забите со паста.

Банана - со внатрешниот дел на кората од бананата масирајте ги забите и непцата во рок од две минути и потоа измијте ги забите со паста. Брзо ќе забележите големи резултати, состојките од кората ги отстрануваат нечистотиите од забите, предизвикани од храна и пијалоци.