Руски научници од Новосибирск, Сибир, дошле до заклучок дека со удирање по задниците може да излекуваат зависност, депресија и други психолошки заболувања...



Со удирање зависникот се ослободува од депресија и станува посреќен, тврдат тие. Зависноста, депресијата и психосоматските заболувања се јавуваат кога личноста губи волја за живот, поради намалено производство на ендорфин - хормон на среќата. Ако лицата што страдаат од ова, „физичката казна“ го зголемува создавањето на ендорфин и ги отстранува депресивните чувства, пишува руската страница „Pravda“.

Докторот што го развил овој начин на лекување на болеста од зависност, Сергеј Сперански, вели дека тепањето е противотров од паѓање во депресија. Тој и неговата колешка, докторката Марина Чукарова, тврдат дека удирањето со стап се користи само за медицински цели и дека на тоа не гледаат како на садо-мазо активности.



Ваков третман со удирање по задникот се применува и кај сексхоличарите и работохоличарите. Телесното казнување се спротивставува на недостатокот на ентузијазам за животот, сметаат психолозите. Тоа е причината поради која најчесто имаме самоубиствени тенденции и психосоматски пореметувања.

За ударите се користи стап од врба, затоа што е флексибилен и не доведува до крварење. Овие третмани ги користат многу познати личности во Русија, а доаѓаат и лица од други земји, кои сакаат да се излекуваат од различни пороци.