Гумата за џвакање стана составен дел од нашите животи, а сепак не сме свесни какви последици остава...



Иако гумата го поттикнува создавањето на плунка која ја прочистува усната шуплина и притоа не освежува, оваа навика има и негативни страни.

Надуеност и пречки во варењето - за време на џвакањето голтате три пати повеќе воздух. Тој воздух останува во вашиот дигестивен тракт и може да предизвика грчеви, гасови и надуеност. Џвакањето може да создаде и желудечна киселина која може да доведе до пироза.

Бактерии - кога џвакаме ја отвараме устата, а сакаме и да ја растегнуваме гумата со прстите. На тој начин внесуваме голем број на бактерии во усната шуплина и вируси кои предизвикуваат здравствени проблеми.

Здебелување - истражувањата покажуваат дека џвакањето ја зголемува желбата за нездрава храна. Вкусот на ментол ги прави невкусни овошјето и зеленчукот, па дури и горчливи. Во тој случај грицките се најслатки. Џвакањето исто така го отвара апетитот и затоа набрзо потоа чувствувате глад и се натрупувате со непотребни калории.