Забите ги четкаме од најрана возраст, но се уште знаеме само многу малку за хигиената на усната шуплина...



Еве неколку факти кои ќе ви помогнат за да ја одржувате хигиената на своите бели бисерчиња.

1. Купете си забна паста со флуорид, бидејќи таа ќе ви помогне да ја зајакнете глеѓта - колку подолго се задржува пастата на забите, толку подобро. Во устата можат да се развијат повеќе од 500 видови бактерии, а стоматолозите велат дека кариесот може навистина да се спречи со редовно четкање на забите и чистење со забен конец.

Измијте ги забите на вообичаен начин и плукнете ја водата од уста, но нека ви стои пастата за да дејствува.

2. Мора да се четкаат забите наутро и навечер, но навечер е многу поважно, затоа што во текот на ноќта се создава помалку плунка која ги отстранува бактериите од забите, па така полесно се шират.

Ако помеѓу забите имате храна која не сте ја исчеткале, бактериите дополнително ќе се размножуваат и ќе создаваат киселина која и штети на глеѓта, при што доаѓа до создавање на кариес.

3. Редовно посетувајте го вашиот стоматолог. Препорачливо е да не поминат повеќе од 6 месеци помеѓу две посети или максимално две години.