Ако се борите да не заспиете со денови или тешко се движите, и се што правите ви претставува проблем, тогаш исхраната, спиењето и стресот треба да ги ставите под знак прашалник...



Исхрана - внимавајте што јадете и кога јадете и никогаш не прескокнувајте оброк. Јадете на секои 4 часа. Тоа значи дека треба да изедете 3 оброка и можеби 2 ужини ако имате потреба. Ако не можете наутро, испијте лате со млеко. Оброците да ви бидат комбинација со јаглехидрати (за брзо подигнување на енергијата), масти и протеини (за долгорочна енергија). Редовно хидрирајте се и конзумирајте вода, таа е најдобра за тоа.

Спиење - за енергија најважни се квантитетот и квалитетот на спиењето. Спијте барем по 7 часа секоја ноќ, а за да се одморите и наспиете квалитетно, одржувајте ја собата ладна и исклучете ги сите електрични уреди барем еден час пред спиење. Избегнувајте да пиете алкохол непосредно пред спиење.

Стрес - менталниот умор го чувствуваме на ист начин како и физичкиот умор, а примарната причина за менталниот умор е стресот. Не можете да ги избегнете секојдневните предизвикувачи на стрес, но можете да ги контролирате. Поразговарајте за проблемот со пријател, завршете нешто што ви стои над глава и избегнувајте дополнителни стресови. Измасирајте ја главата и медитирајте 2-3 минути.