Изметот од поларните мечки би можел да помогне во борбата против супер бактериите...

Изметот од поларните мечки би можел да им помогне на научниците да ги расветлат се посилните смртоносни супер-бактерии отпорни на антибиотици. Бактеријата како што е MRSA-Мethicillin resistant Staphylococcus aureus , е се почест проблем во болниците, а научниците се обидуваат да откријат како тие бактерии еволуираат до точка каде што стануваат речиси неуништливи. Норвешките научници велат дека нашле многу малку такви организми во изметот на поларните мечки од арктикот. Тоа значи дека појавата на се поголем број супер бактерии во изметот на другите животни може да бидат предизвикани со човечка активност. Во изметот на поларната мечка се пронајдени многу малку супер-бактерии, но многу во животните кои живеат во близина на луѓето, како срна, лисица, свињи, кучиња и мачки.